KILIMO

Uchumi wa mkoa huu hutegemea zaidi kilimo, hivyo mkazo mkubwa umewekwa katika kuhakikisha kuwa kilimo kinazidi kukua ili kuchangia zaidi katika kuongeza pato la Mtu binafsi na hatimaye kuondokana na umaskini. Jitihada zinazofanyika ni kuhakikisha kuwa fursa nzuri zilizopo katika kilimo kama vile eneo kubwa la ardhi linalofaa kwa kilimo, hali nzuri ya hewa, mabonde mengi yanayofaa kwa umwagiliaji na nguvu kazi iliyopo vinatumika ipasavyo.

Uzalishaji wa Mazao ya chakula na biashara:

Katika msimu wa kilimo 2006/2007 jumla ya Hekta 390,434 zimelimwa kati ya lengo la kulima hekta 517,272 Utekelezaji huo ni sawa na asilimia 75.5 ya lengo. Sababu kubwa ya kutofikia lengo ni matumizi hafifu ya zana za kilimo.

Matarajio ya mavuno kutokana na eneo lililolimwa ni tani 588,794 sawa na asilimia 76 ya lengo la mavuno ya tani 774,661. Sababu za kutofikia lengo ni pamoja:- Mvua nyingi iliyonyesha kupita kiasi: Wastani wa mvua iliyonyesha ulikuwa ni mm 1448. Kiwango hiki kilikuwa ni kingi zaidi ya wastani wa mvua za kawaida (mm 1100) na hivyo kuathiri uzalishaji wa baadhi ya mazao kama Mahindi, Maharage na Tumbaku. Upungufu wa huduma za ugani na matumizi hafifu ya pembejeo.

Mazao ya chakula :

Eneo lililolimwa kwa ajili ya mazao ya chakula ni hekta 314,075 sawa na asilimia 79 ya lengo la kulima hekta 396,098. Matarajio ni kupata tani 553,223 ya mazao mbalimbali; mahindi tani 243,707, mpunga tani 90,359, muhogo tani 132,777 na mazao mengineyo tani 86,380. Hali ya uzalishaji ni kama ilivyoonyeshwa katika jedwali

 
Mwenendo wa uzalishaji wa mazao ya chakula 2004/2005 - 2007/2008

Mazao ya chakula	2004/2005		2005/2006		2006/2007		2007/2008
Hekta	Tani	Hekta	Tani	Hekta	Tani	Hekta	Tani	Hekta
Mahindi	138,932	272,963	140,764	281,594	126,987	243,707	125814	255855
Mpunga	53,055	102,926	55,373	101,503	50,111	90,359	46283	79528
Maharage	25,394	20,693	26,015	21,172	17,738	12,494	79109	139747
Muhogo	94,078	166,999	95,298	170,269	81,307	132,777	18285	14878
Viazi Vitamu	18,608	42,332	16,983	54,887	15,838	50,457	18767	53428
Ulezi	13,001	10,284	12,113	8,632	9,383	5,853	9344	5417
Kunde	16,200	12,960	16,732	13,232	10,268	8,127	18388	14716
Mtama	947	674	961	1002	321	121	180	121
Mengine	-	-	-	-	2,122	9,328	3161	13291
Jumla	360,215	629,831	364,685	665,671	314,075	553,223	319,331	576,976

Next