MADINI NA KILIMO vinavyoupaisha uchumi wa Mkoa wa Ruvuma

Imewekwa kuanzia tarehe: October 9th, 2025

Mkoa wa Ruvuma umeibuka kuwa injini mpya ya uchumi wa Tanzania, ukiongozwa na nguvu mbili kuu—madini na kilimo. Katika miaka 10 tu, thamani ya pato lake imepanda kutoka Tsh bilioni 2.37 (2012) hadi bilioni 6.39 (2022), ongezeko linaloonesha kasi ya mabadiliko ya kweli.

Siri kubwa ipo katika sekta ya makaa ya mawe, ambayo sasa imegeuka kuwa “dhahabu nyeusi” ya uchumi wa kusini. Mwaka wa fedha 2023/2024 pekee, Afisa Madini Mkazi wa Mkoa wa Ruvuma, Mhandisi Alphonce Bikulamchi anasema Ruvuma ilivunja rekodi kwa kuuza tani zaidi ya 1.3 milioni za makaa ya mawe zenye thamani ya USD milioni 144.9, huku serikali ikivuna zaidi ya USD milioni 4.8 kupitia ada na mrabaha.

Migodi kama Jitegemee Coal Mine ya wazawa imekuwa mfano bora wa uwekezaji wa kitaifa unaoajiri mamia ya Watanzania na kusafirisha bidhaa hadi Asia na Ulaya. Hata zaidi, tafiti za kitaalamu zinaonesha kuwa Ruvuma inabeba akiba ya tani milioni 627 za makaa ya mawe—hazina ya karne tatu zijazo!

Kwa sasa, Ruvuma si tu mkoa wa madini; ni nembo ya maendeleo ya kijani na kiuchumi, ikiweka Tanzania kwenye ramani ya dunia kama kitovu kipya cha nishati safi ya makaa ya mawe yenye ubora wa kimataifa.