RAS Ruvuma aagiza Taasisi za umma kuwa na Hatimiliki

Imewekwa kuanzia tarehe: November 14th, 2025

 Katibu Tawala wa Mkoa wa Ruvuma, Mary Makondo, ameagiza kuongezwa kwa kasi ya usimamizi wa ujenzi wa Kituo cha Afya cha Mpandangindo, wilayani Songea, ambacho serikali imetoa Tsh milioni 250 kukamilisha mradi huo muhimu kwa wananchi.

Makondo alitoa agizo hilo wakati wa ziara ya ufuatiliaji wa miradi ya maendeleo katika Halmashauri ya Wilaya ya Songea, akisisitiza uwajibikaji na matumizi sahihi ya fedha za umma.

Aidha, ameagiza mamlaka zote za serikali  mkoani Ruvuma ikiwemo shule, vituo vya afya na ofisi za umma kuhakikisha zinakuwa na hati miliki ili kulinda mali za serikali na kuzuia migogoro ya ardhi.

Wakati huo huo Katibu Tawala wa Mkoa wa Ruvuma Mary Makondo amekagua mradi wa ukarabati wa shule ya msingi Mpandangindo katika Halmashauri ya wilaya ya Songea ambapo serikali kupitia program ya BOOST imetoa shilingi milioni 100 kutekeleza mradi huo