RUVUMA yafunguka,barabara mpya za TARURA zilivyobadilisha maisha,uchumi na ndoto za wananchi

Imewekwa kuanzia tarehe: October 15th, 2025

Mkoa wa Ruvuma sasa ni mfano hai wa mapinduzi ya maendeleo! Chini ya uongozi thabiti wa Rais Dkt. Samia Suluhu Hassan, miundombinu ya barabara imegeuza kabisa uso wa mkoa huu kutoka kwenye vumbi na tope hadi kung’aa kwa lami, taa na matumaini mapya.

Meneja wa TARURA Mkoa wa Ruvuma Mhandisi Silivester Chinengo  anasema Kupitia TARURA, bajeti ya barabara imepanda kwa kasi — kutoka bilioni 7.9 hadi bilioni 22.1 ndani ya miaka minne pekee! Matokeo? Zaidi ya km 1,372 za changarawe, km 118 za lami, na madaraja 511 yamejengwa. Wananchi sasa wanasafirisha mazao, wagonjwa wanafika hospitali kwa wakati, na biashara zimeongezeka mara dufu.

Mfano halisi ni Daraja la Mgombezi lililojengwa kwa teknolojia ya mawe — ubunifu wa gharama nafuu uliookoa zaidi ya milioni 300! Huko Namtumbo, barabara zenye taa za sola zimebadilisha usalama na biashara, huku Mbinga wakiwa wanashuhudia mapinduzi ya kweli kupitia barabara ya Kiamili.

Leo, Ruvuma si tena mkoa wa pembezoni — ni kitovu kipya cha uwekezaji, utalii na uchumi.