Jamuhuri ya Muungano wa Tanzania Ofisi ya Rais Tawala za Mikoa na Serikali za Mitaa Mkoa wa Ruvuma

SERIKALI yatoa milioni 120 kujenga nyumba za madaktari Songea

Imewekwa kuanzia tarehe: April 20th, 2024

Serikali ya Awamu ya Sita inayongozwa Rais Dkt. Samia Suluhu Hassan, imetoa fedha kiasi cha Shilingi milioni 120 ili kuboresha miundombinu ya afya katika hospitali ya Halmashauri ya Wilaya ya Songea na Kituo cha afya Magagura.

Kaimu Mkuu wa Divisheni ya Mipango na Uratibu wa Halmashauri ya Wilaya hiyo Zainabu Mbaruku amesema fedha hizo zinatekeleza ujenzi wa nyumba za madaktari ambazo zitasaidia Madaktari kukaa karibu na vituo vyao vya kazi.