SONGEA yazindua mapinduzi ya kahawa

Imewekwa kuanzia tarehe: September 29th, 2025

Halmashauri ya Manispaa ya Songea  mkoani Ruvuma imezindua rasmi mpango wa kutoa miche bora ya kahawa kwa wakulima, lengo likiwa kuongeza uzalishaji, kuinua kipato cha wakulima na kuongeza mapato ya Manispaa.

Afisa Ushirika wa Manispaa, Given Malik, amesema mpango huu unashirikisha wadau wakubwa akiwemo TACRI na Bodi ya Kahawa Tanzania (TCB) ili kuhakikisha wakulima wanapata:

✅ Mbegu bora

✅ Madawa ya kisasa

✅ Masoko ya uhakika

“Tunafufua tena kahawa Songea. Wakulima watapata elimu, miche bora, masoko na huduma za ugani. Ushirika ndio nguzo ya mafanikio yao,” – Malik.

Wakulima wa Songea wamepokea mpango huu kwa shangwe, wakiweka matumaini mapya kwamba kahawa itarejea kuwa injini ya maendeleo binafsi, ya Manispaa na ya Taifa

 Wakulima wa Ndilimalitembo tayari wameonesha mfano kwa kuanzisha mashamba ya kahawa.

Kahawa ya Songea  ni fursa ya kiuchumi, ajira na maendeleo ya jamii. Mpango huu unatarajiwa kuwashawishi wakulima wengi zaidi kuwekeza tena kwenye zao hili la kimkakati.

#Songea #KahawaYaTanzania #KilimoBiashara #Ushirika #Fursa