TIMU ya Menejimenti RS Ruvuma yakagua miradi minne ya maendeleo Madaba

Imewekwa kuanzia tarehe: November 7th, 2025

Timu ya Menejimenti  ya Sekretarieti ya Mkoa wa Ruvuma ikiongozwa na Mwakilishi wa Katibu Tawala wa Mkoa wa Ruvuma Joel Mbewa  Novemba 6.2025 imefanya ufuatiliaji wa miradi  minne ya maendeleo yenye thamani ya zaidi ya shilingi milioni 875  katika Halmashauri ya Madaba wilayani Songea.

Miradi iliyofuatiliwa utekelezaji wake ni  ujenzi wa nyumba nne za watumishi katika shule ya sekondari Matetereka wenye gharama ya zaidi ya shilingi milioni 201,ujenzi wa kituo cha walimu katika shule ya msingi Ifugwa Kata ya Lituta wenye thamani ya zaidi ya  shilingi milioni 51,ujenzi wa vyumba sita vya madarasa,mabweni mawili na matundu 10 ya vyoo  katika shule ya sekondari Madaba unaogharimu zaidi ya shilingi milioni 417 na mradi wa ujenzi wa  stendi ya mabasi ya Madaba katika Kata ya Lituta  unaogharimu zaidi ya shilingi milioni 205.

Akizungumza baada ya kukagua miradi hiyo Mbewa amewapongeza wataalam kwa kusimamia miradi hiyo  ambapo mingine ikiwa imeanza kutumika ukiwemo mradi wa ujenzi wa nyumba nne za walimu 

Hata hivyo amesisitiza kuongeza kasi ya utekelezaji kwa miradi  ambayo bado haijakimilika  huku akisisitiza kuzingatia viwango  bora katika utekelezaji wa miradi hiyo.

Timu ya Menejimenti mkoa wa Ruvuma leo Novemba 7 bado inaendelea na ufuatiliaji wa miradi ya maendeleo katika Halmashauri ya Madaba